Cynorthwyydd Addysgu (Lefel 3)

Cynorthwywyr Addysgu x 2 (Lefel 3 neu yn gweithio tuag at Lefel 3)

x1 swydd Rhan Amser Parahol

x1 swydd Rhan Amser - Cytundeb Blwyddyn

Oriau gwaith: 32.5 awr yr wythnos 

Cyflog: NJC Gradd 5

Yn eisiau ar gyfer 01.09.25

Dymuna Llywodraethwyr Ysgol Gymraeg Y Castell apwyntio Cynorthwywyr Addysgu i weithio yn yr ysgol flaengar hon.

Rydym am benodi ymarferwyr ymroddedig a brwdfrydig a fydd yn: 

• gweithio’n frwd fel rhan o dîm cryf.
• cefnogi dysgu disgyblion yn nosbarthiadau’r ysgol dan oruchwyliaeth ac arweiniad yr athro dosbarth.
• cynorthwyo'r athro yn y cylch cynllunio ac asesu ac wrth reoli a pharatoi adnoddau.
• arwain gwaith 1-1 ac mewn sefyllfaoedd grŵp gyda disgyblion targedig ar draws yr ysgol.
• meddu ar sgiliau rhyngbersonol da a gallu gweithio'n hyblyg ac yn adeiladol fel rhan o dîm.
• darparu profiadau rhagorol i unigolion a grwpiau o ddysgwyr ifanc y tu mewn a thu allan i'r ystafell ddosbarth.
• meddu ar ddealltwriaeth gadarn o'r Cwricwlwm Cenedlaethol.
• gallu gwerthfawrogi a chefnogi rôl gweithwyr proffesiynol eraill.
• barod i gymryd rhan mewn datblygiad proffesiynol a chyfleoedd hyfforddi.
• gallu gweithio o dan gyfarwyddyd yr athro dosbarth i sicrhau bod dysgu o ansawdd uchel yn digwydd.
• gweithio’n sensitif gyda rhieni i sicrhau lles pob disgybl.
• goruchwylio dosbarthiadau cyfan yn achlysurol pan fydd athrawon yn absennol yn y byrdymor.
• sicrhau cyfrinachedd bob amser a dilyn gweithdrefnau.

Dyddiad cau: Dydd Gwener 2.5.25

Cyfweliadau: WD 19.5.25

I ofyn am ffurflen gais, cysylltwch â'r ysgol yn uniongyrchol ar 02920 864790. Dylid dychwelyd ffurflenni cais wedi'u cwblhau i :

Mr G Hughes, Pennaeth,

Ysgol Gynradd Gymraeg Y Castell

Heol Cilgant

Caerffili

CF83 1WH

neu trwy e-bost at YGGYcastell@sch.caerphilly.gov.uk

Neu, gwnewch gais trwy eteach.

Mae’r gallu i siarad Cymraeg yn cael ei ystyried yn hanfodol i ymgymryd â’r swydd hon. Felly, mae'r swydd yn cael ei hysbysebu yn unol â darpariaethau Adran 38 o Ddeddf Cysylltiadau Hiliol 1976.

I weld y Disgrifiad Swydd a Manyleb y Person dewiswch yr atodiad perthnasol o'r rhestr atodiadau.

Am fanylion pellach neu sgwrs anffurfiol, ffoniwch 02920 864790

O dan Ddeddf Addysg (Cymru) 2014, mae rhaid i’r holl staff Cymorth Dysgu (sy’n cynnwys y swyddi y sonir amdanynt yma) fod wedi cofrestru â Chyngor y Gweithlu Addysg dros Gymru o 1 Ebrill 2016.

Bydd eich cyflogaeth yn dibynnu ar dystiolaeth ddigonol o’ch cofrestriad a’ch cofrestriad parhaol, fel Cynorthwyydd Cymorth Dysgu gyda Chyngor y Gweithlu Addysg.

Gellir dod o hyd i wybodaeth am sut i gofrestru â Chyngor y Gweithlu Addysg ar y wefan hon https://www.ewc.wales/site/index.php/cy/ neu drwy ffonio 02920 460099. Eich cyfrifoldeb ydi sicrhau eich bod yn cofrestru ac yn parhau i gofrestru yn unol â thermau a thelerau eich cyflogaeth.

Mae'n ofyniad cyfreithiol arnom i ofyn i chi ddarparu tystiolaeth o'ch hawl i weithio yn y DU.  Gofynnir i ymgeiswyr llwyddiannus ddarparu dogfennau priodol megis tystysgrif geni, pasbort neu drwydded waith yn unol â Deddf Mewnfudo, Lloches a Chenedligrwydd 2006.

Mae'r swydd hon yn cael ei heithrio o Ddeddf Ailsefydlu Troseddwyr (1974) a bydd proses sgrinio gynhwysfawr yn cael ei gynnal ar bob ymgeisydd llwyddiannus. Bydd hyn yn cynnwys gwiriad manylach gyda'r Gwasanaeth Datgelu a Gwahardd.