3,998 Jobs

Yr hyn rydym yn ei Gynnig:

• 27.5 diwrnod o wyliau blynyddol â thâl (gan gynyddu gyda gwasanaeth i 32.5 diwrnod)
• Mae'r dewis i brynu, i werthu, neu i gario gwyliau blynyddol drosodd yn cael ei adolygu bob blwyddyn ac yn cael ei gynnig pan yn bosib
• Darperir Cynllun Arian Gwirfoddol Iechyd gan BHSF
• Pensiwn y Gwasanaeth Sifil
• Pecyn absenoldeb mamolaeth y Gwasanaeth Sifil
• Rhaglen cymorth gweithwyr PAM
• Mynediad i aelodaeth Cyngor Chwaraeon y Gwasanaeth Sifil (CSSC)
• Cynllun beicio i'r gwaith
• Cyfle i fwynhau'r cartref ac electroneg diweddaraf mewn ffordd fwy fforddiadwy a ddarperir gan Vivup
• Cynllun Prydlesu Car
• Rhwydweithiau Staff yn canolbwyntio ar bob un o'r nodweddion gwarchodedig - yn cael eu rhedeg ar gyfer staff, gan staff: Rhwydwaith Enable, Rhwydwaith Oed, Rhwydwaith yr Iaith Gymraeg, Rhwydwaith Pride a LHDTC+, Rhwydwaith Rhyw a Theulu, Rhwydwaith Hil, Crefydd a Chred
• Dysgu a datblygu wedi'u teilwra i'ch rôl.
• Amgylchedd gydag opsiynau gweithio hyblyg
• Diwylliant sy'n annog cynhwysiant ac amrywiaeth

Gwybodaeth Ychwanegol:

Bydd unrhyw symudiad i Swyddfa Annibynnol Ymddygiad yr Heddlu o gyflogwr arall yn golygu na allwch gael mynediad at dalebau gofal plant mwyach. Mae hyn yn cynnwys symudiadau rhwng adrannau'r llywodraeth. Fodd bynnag, gallwch fod yn gymwys ar gyfer cynlluniau eraill y llywodraeth, gan gynnwys Gofal Plant Di-dreth. Penderfynwch ar eich cymhwysedd ar wefan https://www.gov.wales/childcare-offer-for-wales-campaign

Ystyriaeth Emosiynol:

Wrth gyflawni’r rôl hon, byddwch yn dod i gysylltiad rheolaidd â deunydd trallodus a fydd yn debygol o gael effaith, trawmatig a heriol.

O ystyried natur y gwaith, [mae’n bosibl hefyd] y byddwch yn dod i gysylltiad ag unigolion sy’n profi trallod eithafol.

Mae SAYH yn cydnabod hyn ac yn cynnig amrywiaeth o ddarpariaethau lles i’r holl staff, gan gynnwys TRiM (Rheoli Risg Trawma), cymorth rhwng cymheiriaid, Cynghorydd Lles penodedig, a mynediad at gwnsela cyfrinachol am ddim.

Mae'r holl staff yn cael eu hannog yn gryf i gyrchu ac ymgysylltu â'r cymorth ar gael yn rhagweithiol.

Os hoffech siarad am yr elfen hon o'r rôl â rhywun sy'n gwneud gwaith tebyg eisoes yn SAYH cysylltwch â recriwtio@policeconduct.gov.uk a gall hyn gael ei drefnu.

Cyflwyniad Swydd:

Fel Rheolwr Ymchwiliadau – Ymchwiliadau Mawr, byddwch yn rhan o dîm ymchwiliadau deinamig sy'n gweithio'n lleol ac yn genedlaethol ar Ymchwiliadau Mawr yn y gyfarwyddiaeth Ymchwiliadau, Goruchwylio a Gwaith Achos. Byddwch yn cyfarwyddo, yn gwneud penderfyniadau ac yn gyfrifol am gyflawni'r achosion hyn.

Byddwch yn gyfrifol am ddarparu arweinyddiaeth strategol i dimau o ymchwilwyr, gan sicrhau bod ymchwiliadau o ansawdd uchel, cadarn ac annibynnol yn cael eu cyflawni a dangos ein gwerthoedd ym mhob agwedd o’ch rôl.

Byddwch yn gyfrifol am ansawdd, amseroldeb ac effeithlonrwydd ymchwiliadau.

Byddwch yn chwarae rhan allweddol o fewn y Grŵp Ymarferwyr Gweithredol ar gyfer Gwneud Penderfyniadau; byddwch yn gosod ac yn ymgorffori arfer da a safonau gwneud penderfyniadau, yn darparu cefnogaeth gan gymheiriaid i wneuthurwyr penderfyniadau ar draws y sefydliad ac yn rheoli a lliniaru risg sefydliadol yn ystod Ymchwiliadau Mawr.

Fel rhan o'r broses ymgeisio, gofynnir i chi gwblhau 2 x Cwestiynau Didoliyn seiliedig ar y meini prawf hanfodol.

Amcangyfrifir i ddyddiadau asesu a chyfweld ddigwydd Diwedd Awst - Dechrau Medi

Arweinyddiaeth a chyffredinol:

• Darparu cyfeiriad strategol ac arweinyddiaeth weithredol i dimau ymchwilio i sicrhau bod ymchwiliadau cadarn o ansawdd uchel yn cael eu cyflawni.
• Sicrhau bod ymchwiliadau cyson ac o ansawdd uchel yn cael eu cyflawni yn erbyn targedau polisi a pherfformiad.
• Gweithio'n agos gyda rhanddeiliaid mewnol i sicrhau bod Amcanion Strategol IOPC yn cael eu bodloni, gan gynnwys; Tîm Ymgysylltu â Rhanddeiliaid, Goruchwyliaeth a Chyfarwyddwyr Ymgysylltu.
• Cyfrannu fel aelod o'r uwch dîm rheoli Ymchwiliadau ehangach at ddatblygu cyfeiriad strategol a rheolaeth y swyddogaeth Ymchwiliadau.
• Cymryd rhan yn y swyddogaeth ar alwad – gan gynnig cyngor, arweiniad a chyfarwyddyd i luoedd, CThEF ac UKBA mewn materion sy'n ymwneud â marwolaethau, anafiadau difrifol ac atgyfeiriadau eraill.

Cyfeiriwch at y Disgrifiad Swydd am gyfrifoldebau llawn y rôl.

Yr Ymgeisydd Delfrydol:

Profiad

• Profiad profedig o arwain a rheoli timau mewn ymchwiliadau cymhleth a phroffil uchel, yn ddelfrydol o fewn cyd-destun rheoleiddio, goruchwylio neu sector cyhoeddus.
• Profiad profedig o ymchwilio neu arwain ymchwiliadau.
• Arweinydd profiadol gyda hanes o weithio'n effeithiol gydag eraill.
• Profiad o reoli ariannol.
• Dealltwriaeth o reoli a gofalu am oroeswyr a dioddefwyr troseddoldeb, yn benodol cam-drin rhywiol.
• Hanes cryf o ddarparu cyfeiriad strategol i sicrhau bod ymchwiliadau o ansawdd uchel, annibynnol a chadarn yn cael eu cyflawni.
• Profiad o sbarduno timau i gyflawni lefelau uchel o berfformiad a gwelliant parhaus.
• Dangos gallu i oruchwylio a chyfarwyddo timau, gan gynnwys cynllunio gweithlu, dyrannu adnoddau a rheoli blaenoriaethau ymchwilio.
• Profiad profedig o fethodoleg ac egwyddorion ymchwiliadau a gymhwysir i ymchwiliadau cymhleth, mawr a heriol.
• Profiad o weithio fel rhan o uwch dîm rheoli i ddatblygu a gweithredu'r weledigaeth strategol ar gyfer swyddogaeth neu sefydliad.
• Arweinydd profiadol gyda hanes o adeiladu timau gweithredol perfformiad uchel mewn amgylchedd cymhleth.
• Profiad o reoli datgeliad mewn ymchwiliadau cymhleth
• Profiad o arwain timau trwy newid sylweddol, ymgysylltu ac ysgogi staff i groesawu ffyrdd newydd o weithio.

Dymunol:

• Profiad o weithio mewn strwythur rheoli matrics.

• Profiad o gyflawni/arwain ymchwiliadau mawr neu ymchwiliadau hir ar raddfa fawr.
• Profiad o HOLMES fel system rheoli achosion, neu ddealltwriaeth gadarn o sut mae system rheoli achosion HOLMES yn gweithredu.

• Trwydded yrru ddilys yng Nghymru a Lloegr.

Sgiliau a Galluoedd

• Gallu deallusol rhagorol, a set sgiliau datblygedig iawn i ddadansoddi deddfwriaeth gymhleth a'i chymhwyso i achosion priodol.
• Y gallu i ysgogi a datblygu eraill.
• Y gallu i weithio'n effeithlon ac yn effeithiol mewn amgylchedd heriol gyda blaenoriaethau sy’n cystadlu â’i gilydd.
• Lefelau uchel o hygrededd yn ogystal â'r gallu i gyfiawnhau penderfyniadau a wneir, gan gynnwys mewn lleoliad cyfreithiol.
• Barn ddoeth a’r gallu i wneud penderfyniadau proffil uchel.
• Sgiliau gwneud penderfyniadau datblygedig iawn.
• Tystiolaeth o sgiliau dadansoddol ac ysgrifennu adroddiadau rhagorol; gallu i gyrraedd a dogfennu penderfyniadau clir, rhesymegol, seiliedig ar dystiolaeth ac annibynnol yn seiliedig ar ddadansoddiad o wybodaeth sy'n bodoli eisoes ac sy'n dod i'r fei.
• Sgiliau llafar, ysgrifenedig a chyflwyno datblygedig iawn.
• Sgiliau dylanwadu a negodi rhagorol a'r gallu i berswadio trwy hygrededd personol.
• Sgiliau rhyngbersonol cryf, gan gynnwys y gallu i drafod a chynnal perthynas dda ag uwch swyddogion ym mhob maes o fywyd cyhoeddus.
• Profiad o gefnogi staff sy'n gweithio mewn amgylchedd gyda chraffu sylweddol, her a deunydd a allai fod yn emosiynol.
• Meddyliwr dadansoddol gyda'r sgiliau a'r gallu i asesu achosion cymhleth, nodi materion allweddol a datblygu atebion sy'n mynd i'r afael ag anghenion.
• Profiad profedig mewn mentora, hyfforddi a datblygu aelodau tîm, gan feithrin diwylliant o welliant parhaus a thwf proffesiynol.

Dymunol:

• Dealltwriaeth o Blismona yn y DU.

Credwn fod safbwyntiau amrywiol yn cyfrannu at weithle mwy arloesol a dynamig.

Rydym yn annog ceisiadau gan unigolion sydd fel arfer yn cael eu tangynrychioli neu dan anfantais mewn cymdeithas.

Mae hyn yn cynnwys menywod, pobl o gefndiroedd ethnig amrywiol, rhieni a gofalwyr, ac ymgeiswyr anabl, gan gynnwys ymgeiswyr niwroamrywiol.

Rydym wedi ymrwymo i ddarparu cyfle cyfartal i bob ymgeisydd a chreu amgylchedd cynhwysol lle mae safbwyntiau amrywiol yn cael eu gwerthfawrogi a'u cefnogi.

Rydym yn credu fod safbwyntiau amrywiol yn cyfrannu at le gwaith mwy arloesol a bywiog. Rydym yn annog ceisiadau gan unigolion sydd fel arfer yn cael eu tan-gynrychioli neu o dan anfantais yn y gymdeithas. Mae hyn yn cynnwys menywod, pobl o gefndiroedd ethnig amrywiol, rhieni a gofalwyr, ac ymgeiswyr anabl, yn cynnwys ymgeiswyr niwroamrywiol.

Rydym wedi ymrwymo i ddarparu cyfleoedd cyfartal i bob ymgeisydd ac i greu amgylchedd cynhwysol lle mae safbwyntiau amrywiol yn cael eu gwerthfawrogi a'u cefnogi

Mae'r rôl yn gofyn am gliriad i BPSS

National security vetting: clearance levels - GOV.UK (www.gov.uk)

Addasiadau Rhesymol:

Mae SAYH yn weithle amrywiol a chynhwysol ac rydym yn dymuno eich helpu i ddangos eich potensial llawn pa asesiad bynnag a ddefnyddir.

Rydym yn agored i ddarparu'r offer sydd eu hangen arnoch i lwyddo.

Cyfeiriwch at ein canllawiau Addasiadau Rhesymol yn y ddogfen sydd wedi’i gysylltu â'r hysbyseb swydd hwn ynglŷn â sut i gyrchu Addasiadau Rhesymol gyda ni.

Byddwch chi'ch hun:

Mae SAYH wedi ymrwymo i hyrwyddo cydraddoldeb a gwerthfawrogi amrywiaeth ym mhopeth a wnawn.

Ein gweledigaeth yw i fod, a chael ein gweld fel, arweinydd mewn cyflogaeth a gwasanaethau cynhwysol, gan ddangos yr ethos hwn ym mhopeth a wnawn.

• Gan ei fod yn gyflogwr Hyderus o ran Anabledd, mae SAYH yn ymroi i ddileu’r rhwystrau i bobl anabl ffynnu yn y gweithle. Cyfeiriwch at ein canllawiau Addasiadau Rhesymol yn y ddogfen sydd wedi’i gysylltu â'r hysbyseb swydd hwn ynglŷn â sut i gyrchu Addasiadau Rhesymol gyda ni.
• Mae ein Rhwydweithiau Staff yn gweithio’n gyson i wneud SAYH yn arweinwyr cyflogaeth gynhwysol, o’n Rhaglen Gynghreiriad i Safonau’r Gymraeg a’n Polisi Know the Line, rydym yn gyson yn chwilio am ffyrdd newydd o greu amgylchedd i bawb ddatblygu a ffynnu.

Amodau gwaith

Mae'r IOPC yn gweithredu polisi gweithio hybrid sy'n ei gwneud yn ofynnol i'r holl staff weithio 40% o'u horiau cytundebol ar gyfartaledd yn eu swyddfa (neu swyddfa arall am resymau busnes). Mae amser presenoldeb swyddfa yn cynnwys hyfforddiant personol, cyfarfodydd gyda rhanddeiliaid a theuluoedd, a mynychu digwyddiadau.